Charta qua Humbertus dat monasterio Cluniacensi et sancto Martino ad Amberta res suas in villa Ariht.
Divina pietate legumque auctoritate sancitum est ut de terrenis rebus cęlestia regna adquirantur. Quapropter ego Unbertus, cogitans de misericordia Dei et de penis inferni, dono Deo et sanctis apostolis ejus Petro et Paulo, ad locum Cluniacum, et Sancto Martino ad Amberda, aliquid ex hereditate mea, quę est sita in pago Lugdunensi, in agro Marcennacense, in villa Ariht: hoc est terram quę terminatur a mane et a meridie via publica, a sero sendario vicinali, a cirtio gutta siccante. Et dono unam vineam quę terminatur a mane terra Giraldi, a meridie Johannis, a sero Guinemanni, a cirtio via publica. Et dono unum pratum terminatum a mane terra Ratgardis et heredum suorum, a meridie terra Guinemanni, a sero Gemonis et heredum suorum, a cirtio Sancti Stephani. Infra istas terminationes, totum cum omni integritate et libertate dono ad jam dictum locum, pro animę meę remedio et omnium parentum meorum; et faciant seniores Clunienses quicquid voluerint. S. Unberti, qui fieri et firmare rogavit. Aimenus et Teotmarus fidem fecerunt. S. Maalberti. S. Siguini. Data mense octobri, anno XII Lotharii regis.